ದೀಪಾವಳಿ ಮುಗಿತಾ ಎಲ್ಲಾರದೂ? eco friendly, ethnic ಮತ್ತ hashtag ಅಂತ ಎಲ್ಲಾ ದೀಪಾವಳಿನಾಗೂ ಪ್ರಕಾರ ಬಂದಾವ. ಅದ್ರಾಗಿಂದ ಒಂದ ಆಚರಿಸಿದ್ರಿ. ಚಕ್ಕಲಿ, ಉಂಡಿ ಮತ್ತ ಶಂಕರಪಾಳಿ ತಿಂದ್ರಿ ಇಲ್ಲೋ? ಈ ಶಂಕರಪಾಳಿ ನೋಡಿದಾಗ ಒಮ್ಮೆ ಒಂದ ಸಂಶಯ ಬರತದ. ಪಾಪ ಆ ಭೋಲೆ ಶಂಕರಗೂ, ಈ ಶಂಕರಪಾಳಿಗೂ ಏನ ಸಂಬಂಧ ಅಂತ. ಅದೇನೊ ಗೋಕಲಾಷ್ಟಮಿಗೂ……….. ಅಂತಾರಲ್ಲ ಹಂಗ.
ತಿರಗಿಸಿ ಮುರಗಿಸಿ ನೋಡಿದ್ರೂ
ಇಷ್ಟಕ್ಕ ಅಲ್ಲ ನಮ್ಮ ಬಾಜೂದವರು, ಅಂದ್ರ ಮಹಾರಾಷ್ಟ್ರದವರೂ ಸಹ ಶಂಕರಪಾಳಿನೇ ಅಂತಾರ. ಈ ಶಬ್ದ ವಡದ ಸಂಧಿ ಸಮಾಸನೂ ಹಚ್ಚಿ ನೋಡಿದೂ ನನಗ ಅರ್ಥ ಹೊಳಿಲಿಲ್ಲಾ. ಹಂಗ ಅಂತ ನನಗೂ ಕನ್ನಡ ವ್ಯಾಕರಣ ಭಾಳ ಏನ ಗೊತ್ತಿಲ್ಲ ಮತ್ತ.
ಆದ್ರ ನಮ್ಮ ಕರ್ನಾಟಕ ಬಿಟ್ಟು ದಿಲ್ಲಿಗೆ ಬಂದ ಮ್ಯಾಲೆ ಈ ಸಂಶಯ ಪರಿಹಾರ ಆತು ನೋಡ್ರಿ. ಒಮ್ಮೆ ಖಾರಾ ಮತ್ತ ಶೇವ ತರಲಿಕ್ಕೆ ಅಂಗಡಿಗೆ ಹೋಗಿದ್ದೆ. ಒಬ್ಬಾಕಿ “ ಎಕ್ ಎಕ್ ಪಾವ್ ನಮಕಪಾರೆ ಔರ್ ಶಕ್ಕರಪಾರೆ ದೇನಾ” ಅಂದ್ರ, ಅಂಗಡಿಯವ ಉಪ್ಪುಖಾರ ಮತ್ತ ಸಿಹಿ ಶಂಕರಪಾಳಿ ಕೊಟ್ಟ. ಆವಾಗ ನೋಡ್ರಿ ಬುದ್ಧಗ ಜ್ಞಾನೋದಯ ಆದಂಗ ತಲ್ಯಾಗ ಲೈಟ ಹತ್ತಿತು.
ಹಿಂದಿನಾಗ ಸಿಹಿದು ಶಕ್ಕರ+ಪಾರೆ ಮತ್ತ ಉಪ್ಪಿಂದು ನಮಕ+ಪಾರೆ ಅಂತಾರ ಅಂತ ಅವತ್ತ ಗೊತ್ತ ಆತ. ನಾವ ಈ ಎರಡಕ್ಕೂ, ಅಪಭ್ರಂಶಮಾಡಿ ಶಂಕರಪಾಳಿನೇ ಅತಿಂವಿ.
ಒಟ್ಟ ಶಕ್ಕರ ಪಾರೆನ ಉತ್ತರದಿಂದ ದಕ್ಷಿಣಕ್ಕ ಬರೊಮುಂದ ಶಂಕರಪಾಳಿ ಆಗೆದ. ಅದು ಎಲ್ಲೆ ಆತು ಹೆಂಗ ಆತು ಅದನ್ನ ನಾ ಇನ್ನ ಹುಡಕಿಲ್ಲ.
No comments:
Post a Comment